عيادة الصحة الجنسية

من تسع شهور بدأت رحلة حملي مع دكتورة عزيزة 😍 علي مدار التسع شهور حقيقي هي مكنتش مجرد دكتوره نسا شاطره بتابع معاها هي كانت أم حقيقي مجرد ما كنت بدخل العياده كنت بحس بالألفة وكأننا معرفة من وقت طويل جدا 😅 كوني شخص بيقلق كتير وبيخاف من كل حاجه كان شئ مرهق جدا ولكنها مع ذلك كانت بتسمعني وتجاوب علي أسئلتي وتطمني. كنت مهيأة نفسي اني أولد طبيعي ولكن أرادة ربنا كانت عكس كده وأخدنا قرار القيصرية انا فاكره وقتها عيطت اد ايه وازاي كنت مرعوبه أوي من تجارب الناس اللي بقرأها علي الفيس بوك لحد يوم الولادة كنت خايفه بس هي فضلت تطمني لحد اخر وقت انا فعلا بفضل ربنا ثم فضل دكتورة عزيزه ماحسيتش بشئ غير صوت ابني وهو بيعيط جوا اوضه العمليات والدكتورة جيباهولي عشان نعمل Skin to skin وهنا كل الخوف تلاشي وطلع كلامها حقيقي فعلا حسيت بندم اوي علي الوقت اللي ضيعته في القلق والخوف وأنه الأمر طلع فعلا بسيط بس هو بسيط عشان دكتورة عزيزه دكتوره شاطره جدا وفاهمه شغلها وبتعمل اللي في مصلحه الأم. كل كلمات الامتنان لا توفي شئ من حقها ولو كل الدكاتره بنفس الأخلاق دي والتعامل الراقي أكيد مفيش مريض هيخاف. شكرا يا دكتورة علي رحلة كانت مليانه بالحب والطمأنينة ❤️